Bahr El Hayah - Mohamed Mounir

في كل لفة عقرب ساعة عمري بيتسرسب بيعدي الناس والدنيا بتتغير، حتى الحديد بيصدي وأنا الوحيد واقف مكاني ثابت في ناس إختارت سكة صابت، ناس تانية إختارت سكة خابت إحساس قاسي وصعب لمّا الناس تشوفك فاشل أبوك وأمك وإخواتك وأصحابك شايفينك عاطل قوم يابني إسعى وحاول"، والله غلبت أحاول" ياما حاولت و قبل الجول ما يجي يطلع فاول ما عنديش مهارة أو حتى كوسة وحوستي حوسة ودوست بعد آخر البنزين بدوسة في كل مقابلة شغلانة يتقالي لف نفسك بشهادتك مدد بجنب أي حيط وخدلك بوسة رجعت فلاش باك حسبت سنين عمري تلاتين سنة لقيت حسبت تاني وتالت وإتخضيت ببص في المراية كام شعراية بيضا لقيت وأبويا هو اللي لسه بيصرف على البيت بتعامل من عيلتي على إني عالة وحالتي حالة ثقتي بنفسي راحت النجاح بقى إستحالة نفسي أهرب من نفسي ومن حالتي ومن عيلتي ومن الدنيا نفسي ألقى دنيا تانية أهرب ليها لو حتى ثانية وفي يوم قالهالي صاحبي واللي يدلك على الطريق ما يفيدش صاحب غير صاحبه، إسمع من الصديق قالي في قعدة ضرب حلوة بالليل عاملينها "سألته: "هاش؟" ضحك، قالي "بيسة" قولتله "لا أدمنها "قالي: "ما تخافش، مش ممكن تدمن من أول شكة أقنعني، بالليل فعلاً شككني أول شكة مفاصلي ساحت وإرتاحت وروحي راحت بكلم نفسي من جوة وبرغي ومن برة ساكت همومي شبه تاهت والرؤية باهت في باهت كل مشكلة كانت عندي في الدنيا ماتت وتاهت عدّت ساعات في ثانية لقيت الصحبة قايمة دخلت بيتي وش الفجر عيلتي كانت نايمة دفنت نفسي تحت البطانية جسمي متلج نمت في أقل من ثانية نومة واحد متبنج قطر الحياة بيعدي بسرعة، سنة في سنة في سنة وأنا زي ما أنا من لما كان عندي سنة هي هي الحياة، هو هو أنا أنا زهقت طهقت من الحياة تقدر تقول مليت أنا صحيت وفقت رجعت تاني للواقع والعكننة عدّى النهار بطيء كإنه كام شهر وسنة نفسي النهار يعدي بسرعة وأضرب تاني أرجع ملك زماني بعيد عن العالم اللي رماني خلّوني أضرب معاهم كل يوم وبتعزم خلاص دخلت السكة والطريق بيترسم فاجئني صاحبي في يوم قالهالي في وشي خف تعوم أجيب فلوس منين ليا وليك نضرب كل يوم شخشخ جيبك يا من قعدتنا دي تكون محروم من النهاردة مفيش ضرب ببلاش، مفهوم؟ (مفهوم) روّحت وتاني يوم في معاد الضرب جسمي إتكهرب كرابيج في ضهري ومناخيري سايلة وبتسرب عاوز أضرب، منين أجيب فلوس؟ منين أجيب فلوس؟ بدأت أستلف من كل اللي أعرفه وأدوس وحتى إخواتي خدت منهم ياما فلوس دروس كله كرهني وبيهرب مني تقلت على النفوس خمسين جنيه فى خمسين في مية في مية بسرق يوماتي فلوس من البيت وكله شك فيا نزلت بعت كل حاجة جاتلي في يوم هدية خلّصت فلوسي لحد فى يوم ما جاتلي فكرة هي، هي دهب أمي، موبايل أختي، لاب توب أخويا سرقتهم نزلت أهرب من البيت وقفني أبويا حاول يمنعني مسكني من إيدي جامد زقيته إتخبط في الحيط، و بصلي إزاي إبنه وآذيته خد مني كل حاجة وتربس الباب غضب ساعتها طلبت أغرب حاجة ممكن تتطلب عاوز فلوس حالاً يا إما هرتكب جريمة إتهمني بالجنون وإداني كام شتيمة ببان كل الأوض بتتفتح، عيلتي بتتفرج لسه بيستوعبوا يمكن ده جد يمكن بنهرج سحبت بنت أختي تلات سنين ناحية شباك هاتوا الفلوس لا أرميها، فجأة زاد الإرتباك أمي بكت بحرقة قدامي فقت لثواني رميتلي فلوس وبصوت عالي، ما أشوفش وشك تاني أمشي مالكش أم يا أبغض من شيطاني خدت الفلوس وجريت عارف مش راجع بيتي تاني قطر الحياة بيعدي بسرعة، سنة في سنة في سنة وأنا زي ما أنا من لما كان عندي سنة هي هي الحياة، هو هو أنا أنا زهقت طهقت من الحياة تقدر تقول مليت أنا خسرت كل أهلي وأصحابي بقيت وحيد ومنين هجيب فلوس لازم ألقى طريق جديد فجأة إفتكرت جار من سني ساكن لوحده طول عمره أبوه في إعارة برة مصر وشهري فلوس يبعتله شديته زي ما إتشديت أنا لنفس الطريق لقيت مصدر فلوس جديد وبيت ولقيت صديق نضرب سوا بفلوسه و في بيته ومالناش ظهور شقى سنين أبوه خلص كله في أربع شهور وفي ليلة بنضرب جاتله مكالمة ما صدقهاش أبوه عرف إن إبنه بيسرقه وإتنقل الإنعاش كل عصب في جسمي إتوتر، زودت الجرعة أكتر الجرعة المعتادة خلاص ما بقيتش تأثر شريط حياتي بيتعرض قدامي أغبر في أغبر ضربت السم في عروقي زودته أكتر وأكتر نفسي أفنى وأخلص من الدنيا زي الميه أتبخر كمان زودت سِنة جسمي كله إتلون أصفر صاحبي أتفزع قام وإتسرع، مالك أصفر ليه ياجدع جسمك عرقان وبتترعش زي اللي من الحية إتلدع رغم أني غرقان في العرق، جسمي متلج موجوع وجع من خضتي جيت أصلب طولي، جسمي على الأرض إترزع جسمي رافض لكل أمر مني القوة إتهدت والدنيا بتضلم تدريجي وواحدة واحدة إسودت آخر لقطة في حياتي شفتها كانت مأساة صاحبي مرعوب وبيراقب فراقي للحياة قطر الحياة بيعدي بسرعة، سنة في سنة في سنة وأنا زي ما أنا من لما كان عندي سنة هي هي الحياة، هو هو أنا أنا زهقت طهقت من الحياة تقدر تقول مليت أنا عمري بسرعة إنتهىَ رجعت شريط حياتي ما لقيتش فيه حاجة عدلة تتذكرلي عملتها حياتي راحت مني كلها ضيعتها ندمان على كل لحظة غامقة في يوم أنا عشتها ياربّ إديني فرصة تاني أرجع للحياة همشي في طريقي صح لحد آخر منتهاه دي حاجة صعبة فعلاً إنك تختفي من الدنيا والناس ما تفتكركش بحاجة حلوة لوجه الله

تهبي يا رياح الحياة دايمًا بما لا أشتهي واللي السنين مقدماه غير اللي قلت نفسي فيه يلاقي قلبي فين دواه واللي أذاه أقرب ما ليه؟ ده جرح بيعلم وصعب تسكن الآلام وأخرج من اللي فات سليم وصعب لما أروح أنام ما أفضلش أراجع القديم طلع مكلف العلام وخدت درس في الصميم ولسه بتعلم ركز يا قلبي في اللي جاي وألف شكر للي باع ما صانش حتى بق شاي، سلام يا ٣٠٠ وداع واللي لقانا ما يساعوش فخانة الوداع تساع مشاعرنا مش لعبة ما تنشغلش باللي فات، خليك يا قلبي في المفيد كبر لأي ذكريات، ركز وبس في الجديد لازم نقسم الخانات بمين قريب ومين بعيد الحسبة مش صعبة فرحت من الساعات ساعات ودقت من الحاجات حاجات وعشت من السنين سنين ونابني من اللي فات فتات ومن الحبيب جواب حزين وأسئلة بلا إجابات حيرة ورا حيرة حتى السعادة يوم ويوم، حتى المحبة خد وهات وكله كوم وكومي كوم، زمان بيرمي إفيهات وزي عادتي أصوم، أصوم وأسد جوجي ذكريات وأفضها سيرة آخرتها يا زمن عنيد كله سبق وأنا الوحيد اللي مشيت ورا سراب واللي بدأت من جيد الكل شاف اللي وراه حاسبت أنا ع المشاريب لوحدي كالعادة مش باقي غيري في المكان، مش باقي حاجة من اللي كان مش باقي غير وجع زمان وهمس ذكرى في الودان طاوعت حظي لما قال: "اصبر لكل شيء أدان" يا حظ ما تأدن مش باقي غيري في المكان، مش باقي حاجة من اللي كان مش باقي غير وجع زمان وهمس ذكرى في الودان طاوعت حظي لما قال: "اصبر لكل شيء أدان" يا حظ ما تأدن

متكتف مهموم موجوع وضعيف وشجاع مليان أحلام وعشان مربوط مكسور وبكسر في المآديف وتفوت أيام وتمر سنين وانا حالي غريب انا مين انا مين مشدود في الساقية وعايش مبسوط وحزين ومحبط وجرئ ورزين مشدود في الساقية وعايش مبسوط وحزين ومحبط وجرئ ورزين على غفلة اتحول بركان جبار انا ضلمة وليل أنا نار ونهار متكتف مهموم موجوع وضعيف وشجاع مليان أحلام وعشان مربوط مكسور وبكسر في المآديف ماشي على طريق مكتوب مرسوم بس انا مسؤول وعليا اللوم ماقدرش أقول من الذنب برئ لا انا ابليس ولا هبقى رسول ماقدرش أقول من الذنب برئ لا انا ابليس ولا هبقى رسول قدامي طريق همشيه همشيه نفهم في الآخر كل ده لية متكتف مهموم موجوع وضعيف وشجاع مليان أحلام وعشان مربوط مكسور وبكسر في المآديف

فوسط زحمة وناس كتير وطريق أنا ماشي فيه عكس السير وسط الطموح والأمل والتمني فاضلي خطوة توصلني فوسط حاجات ومكيفات بحاول أنسى كل اللي فات في وسط صدري ضلعي مكسور ومن خلاله قلبي شايف نور أنا كنت فاكر اني طاير وأتاريني على وشي بقع أنا كنت فاكر إني هوصل لكني بهرب من الوجع أنا كنت فاكر اني طاير وأتاريني على وشي بقع أنا كنت فاكر إني هوصل لكني بهرب من الوجع فوسط الليل وأنا بعيد عن البشر شفت نور يشبه نور القمر بس القمر مسيره يفارق ويسيبني تاني مع الوحدة أحارب فوسط قصة حب يعني وهمية كان لازم أصدق اصل الوحدة قوية مش كل المشاعر حقيقية أنا شفت نور معرفتش اغمض عنيا أنا كنت فاكر اني طاير وأتاريني على وشي بقع أنا كنت فاكر إني هوصل لكني بهرب من الوجع أنا كنت فاكر اني طاير وأتاريني على وشي بقع أنا كنت فاكر إني هوصل لكني بهرب من الوجع