Neaady El Sharea Sawa (Studio Session) - Cairokee

مسكت ايديها عشان نعدي الشارع بعينيها قالتلي مفيش مانع عملت عبيط أكيد وفضلت ماسك بصتلي بصة حادة وقالتلي حاسب قلبت الموضوع في ثانية هزار خدتها السينما عزمتها على فشار والفيلم كان أكشن جبار والبطل فيه كالعادة بيكسب الأشرار ياما نفسي الفيلم يخلص والنور ينور خايف أقرب أكتر خايف أتهور مش عارف أصدق ولا عارف منين أبدا مش عارف أفكر متوتر مش عارف أعبر مستني اليوم ده أنا من زمان أفتح قلبي أقولها كل الكلام مستني اليوم ده أنا من زمان أفتح قلبي وأقولها كل الكلام وأمسك ايديها ونعدي الشارع سوا عدينا الشارع ودخلنا في تاني شارع توهنا في الزحمة وشوفنا الدنيا أحلى الشارع لينا وأول مرة لوحدينا فجأة طلع علينا عيال ولاد لزينة عملت معاهم السليمة ونمرة عليها القيمة بصتلي بصة خطيرة معانيها كتيره زي الواد بتاع الفيلم الأكشن الجبار لوحدي هزمت كل الأشرار عملت عبيط تاني وحاولت أتمادى بصتلي بصة حادة والمره دي بزيادة قلبت الموضوع بهزار كالعادة قالتلي لم الدور وروح يا حماده مستني اليوم ده أنا من زمان أفتح قلبي وأقولها كل الكلام مستني اليوم ده أنا من زمان أفتح قلبي وأقولها كل الكلام وأمسك ايديها ونعدي الشارع سوا قولتلها كل حاجة وقولتلها الحقيقة وزي الفيلم النهاية كانت سعيدة ردت وقالت وأنا كمان نتقابل بكره في نفس المكان مستني اليوم ده أنا من زمان أفتح قلبي وأقولها كل الكلام مستني اليوم ده أنا من زمان أفتح قلبي وأقولها كل الكلام وامسك ايديها ونعدي الشارع سوا

إسمعني وإعرف بتكلم مين أنا ملك الأرض العظيم والدنيا دي ليا كلها من شرقها لغربها صحيح معيش ولا مليم لكن بدعي وبقول أمين ولا عندي جيش بزرار ولا عايش عيشة شهريار لكن عندي الميه وعندي الهوا عندي النجوم والسما عندي الناس الطيبة وقلوبهم مني قريبة عندي الصبر والإيمان وعمري في يوم ما أكون جبان عندي صحابي من زمان واقفين جنبى في كل مكان وحبيبتي بتحبني أنا، أنا مش عايزة جاه ولا غنى لو يوم وقعت بقف وأكمل تاخد بإيدي ومش بتسلم وفي حلم عايش جوا مني دايماً معايا وبيكلمني عندي الميه وعندي الهوا عندي النجوم والسما عندي الناس الطيبة وقلوبهم مني قريبة عندي الصبر والإيمان وعمري في يوم ما أكون جبان ساعات بحس إني وحيد وخايف ماشي في طريق عكس الطريق لكني شايف وعارف شايف طريقي آخره نور ومش أنا اللي أعيش مكسور ولو ما وصلتش برضه عادي هعيش حياتي وهفضل راضي عندي الميه وعندي الهوا عندي النجوم والسما عندي الناس الطيبة وقلوبهم مني قريبة عندي الصبر والإيمان وعمري في يوم ما أكون جبان

قاعد مستني عايش وبغني وأنت الوحيد اللي هاتفهمني بانده والناس مش سمعاني باتشقلب والناس مش شايفاني من صغري بحاول أمشي دوغري مستسهلتش وطلعت كوبري بس بلدنا مش عوزانا وبتدينا على قفانا السكة شمال واليمين مش شغال على فين رايحين؟ السكة شمال واليمين مش شغال على فين رايحين؟ أنا زيي زيك ملناش دور كومبرس في مسرح مهجور البطل فيه أبو دم تقيل وأنا وأنت واقفين طراطير وكل حاجة ماشية عكس من المرسيدس لحد التاكس وكل خطوة معاها نحس ليه بتربوا فينا اليأس؟ السكة شمال واليمين مش شغال على فين رايحين؟ السكة شمال واليمين مش شغال على فين رايحين؟

بنخاف لنقرب نتغرب ونخاف لنجرب نتهرب من بعض كثير، من بعض كثير بنخاف نتكلم نتألم وكلامنا يأثر ويعلم بنخاف لو نسرح فنبلم من غير تفسير بنخاف لنحب منتحبش بنخاف لجراحنا متتلمش بنخاف نهتم فنتهمش ونخاف لنغير بنخاف نتجمع نتفرق أول ما بنفرح بنقلق بنخاف نتجر ونتعلق نعشق ونميل بنخاف من الضلمة ومن اللمة من فن الكلمات السامة بنخاف من روحنا ومن ثم بنخاف من الغير بنخاف من أي غريب ييجي بالتالي نخاف من الأشخاص بنخاف من الخوف التدريجي فنخاف وخلاص بنخاف من الدايرة المقفولة ونخاف من الصوت ومن الصورة بنخاف من حزن النهايات وخداع البدايات الأولى بنخاف من البعد المسافات ومن الكلمات المعسولة بنخاف، بنخاف بنخاف من معنى الخوف ذاته نهايات الخوف أو بداياته من لون الخوف لو ليه لون تفاصيله وشكله وعلاماته بنخاف من الخوف قبل النوم لسنين قدام وسنين فاتوا بنخاف من الأيام ونخاف من أي صراع سببه خلاف بنخاف لما نخاف نتشاف ونخاف ونخاف ،ونخاف.

اضحك كإن الفرح مقسوم عشان ضحكتك وازعل كإن البكا عمره ما هيموتك اعشق كإن الهوى طيب وكله أمان فارق كإن اللقا معرفش يوم سكتك إيه من الحياة تشتهي غير الرضا في عينك؟ لمسة إيدين تعشقك، لمة صحاب حواليك دنيا غريبة إنما فيها حاجات ملهمة زي النجوم في السما طالعة عشان تهديك اضحك كإن الفرح مقسوم عشان ضحكتك وازعل كإن البكا عمره ما هيموتك اعشق كإن الهوى طيب وكله أمان فارق كإن اللقا معرفش يوم سكتك غني بصوت يعجبها، ليلي ويا عيني وآه وأما الحياة تغلبك ما تخافش قولة آه وإن دوقت لحظة هَنا زود ساعتها الغنا أحلام كتير ممكنة لو بس صدقنا إيه من الحياة تشتهي غير الرضا في عينك؟ لمسة إيدين تعشقك، لمة صحاب حواليك دنيا غريبة إنما فيها حاجات ملهمة زي النجوم في السما طالعة عشان تهديك

متكتف مهموم موجوع وضعيف وشجاع مليان أحلام وعشان مربوط مكسور وبكسر في المآديف وتفوت أيام وتمر سنين وانا حالي غريب انا مين انا مين مشدود في الساقية وعايش مبسوط وحزين ومحبط وجرئ ورزين مشدود في الساقية وعايش مبسوط وحزين ومحبط وجرئ ورزين على غفلة اتحول بركان جبار انا ضلمة وليل أنا نار ونهار متكتف مهموم موجوع وضعيف وشجاع مليان أحلام وعشان مربوط مكسور وبكسر في المآديف ماشي على طريق مكتوب مرسوم بس انا مسؤول وعليا اللوم ماقدرش أقول من الذنب برئ لا انا ابليس ولا هبقى رسول ماقدرش أقول من الذنب برئ لا انا ابليس ولا هبقى رسول قدامي طريق همشيه همشيه نفهم في الآخر كل ده لية متكتف مهموم موجوع وضعيف وشجاع مليان أحلام وعشان مربوط مكسور وبكسر في المآديف

فوسط زحمة وناس كتير وطريق أنا ماشي فيه عكس السير وسط الطموح والأمل والتمني فاضلي خطوة توصلني فوسط حاجات ومكيفات بحاول أنسى كل اللي فات في وسط صدري ضلعي مكسور ومن خلاله قلبي شايف نور أنا كنت فاكر اني طاير وأتاريني على وشي بقع أنا كنت فاكر إني هوصل لكني بهرب من الوجع أنا كنت فاكر اني طاير وأتاريني على وشي بقع أنا كنت فاكر إني هوصل لكني بهرب من الوجع فوسط الليل وأنا بعيد عن البشر شفت نور يشبه نور القمر بس القمر مسيره يفارق ويسيبني تاني مع الوحدة أحارب فوسط قصة حب يعني وهمية كان لازم أصدق اصل الوحدة قوية مش كل المشاعر حقيقية أنا شفت نور معرفتش اغمض عنيا أنا كنت فاكر اني طاير وأتاريني على وشي بقع أنا كنت فاكر إني هوصل لكني بهرب من الوجع أنا كنت فاكر اني طاير وأتاريني على وشي بقع أنا كنت فاكر إني هوصل لكني بهرب من الوجع